تنين صعايدة جدعان

عدد الرسائل : 80 تاريخ التسجيل : 09/07/2007

إتنين صعايدة جدعان

الأول: إزيك ، وإزى أبوك .. إن شاء الله تكون صحته إتحسنت
التاني: ماشي الحال الحمد لله ، بس الوالد مات‎
الأول: العمر الطويل ِلَك .. أتذكر أبوك كان عنده القلب .. الله يرحمه
التاني: صحيح .. بس والله مماتش بالقلب‎
الأول: معقول ؟ أمال إيه سبب الوفاة ؟‎
التاني: الله يرحمه .. فى الآخر نظره ضعف جدا.. ومرة طلع فى البلكونة وللأسف مشافش السور ، ووقع من الدور الرابع
الأول: يااااه موتة صعبة أوى.. ربنا يرحمه
التاني: والله ياأخى إتعذبنا معاه كتير وعملناله حوالى 12 عملية لغاية ماإَتْحَسَن‎
الأول: أمال توفى إزاى ؟‎
التاني: بقى يمشى على عكاز .. ومرة وهو بيعدى الشارع جت سيارة مسرعة خبطته‎
الأول: يالطيف ... الله يرحمه
التاني: ربك رحيم كان فيه لنا جار إبن حلال ، أخده بسرعة على المستشفى .. بس النزيف الداخلي فى الدماغ كان رهيب‎
الأول: الله يرحمه ...‎
التاني: بس إحنا سفرناه على إسبانيا وقعد هناك حوالى 6 أشهر تحت العلاج ، والحمد لله إتحسن‎ بعد كده
الأول: طيب إزاى مات‎ ؟؟؟
التاني: جاله فشل كلوي حاد وقعدنا ندور له على متبرع كلية وتأخرنا ، وللأسف حصله تسمم‎
الأول: الله يرحمه .. إرتاح‎
التاني: بالصدفة جه شخص يعرفه من زمان وإتبرعله بالكلية بتاعته فى آخر ثانية
الأول: أمال أبوك إزاى مات ؟؟؟؟
التاني: كان مرة قاعد فى البيت ، وأنبوبة البوتجاز إنفجرت ، وإحترقت الشقة بالكامل ‎
الأول: يا لطيف .. موتة بشعة أوى .. الله يرحمه
التاني: بس والله الجيران .. الله يجزيهم كل خير كسروا الباب ولحقوه فى آخر لحظة‎
الأول: بقولك إيه .. ممكن تفهمنى أبوك مات إزاااااى ؟؟؟؟؟؟؟؟‎
التاني: والله إضطرينا فى الآخر نطخُّه بالبندقية ‎

عدد الرسائل : 61 تاريخ التسجيل : 11/07/2007

ههههههههههههههههه
جميله
بلديات الراجل ده بقى كانو بيهزرو مع بعض بالسلاح مات منهم 10 قالو كفايه كده يا جماعه احسن تقلب بجد

ههههههههههه
حلوه
تم إعلان الحرب

بيقول لك مره واحد فلاح ساق الهبل جابوه من عالحدود
واحد فلاح ساق الهبل عمل حادثه موت تسعه
واحد فلاح فهم جاتله جلطه فى المخ
مذيعة بتسأل واحد فلاح بتقوله مصر بتمثلك إيه قال لها مصر دي امى سألت صاحبه فلاح بردوا قالت له وانت قال لها مقدرش اكلم على ام واحد صحبى
مرة واحد فلاح غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. قام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

واحده ست فلاحه مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "

مرة واحد فلاح بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

واحد نازل من بيتهم شعره منكوش صاحبة بيقولولة شعرك منكوش قالهم "منكوش" دعوه

عدد الرسائل : 61 تاريخ التسجيل : 11/07/2007

اجتمعوا الفلاحين مع بعض وراحوا لكبيرهم فى المنطقه قالولو يا كبير النكت بتطلع على الصعايده واحنا لا ليـــــــــــــه رد كبيرهم وقالهم علشان الصاعيد بيعملو حجات غبيه انتو اعملو حجات اغبى منهم قالولو زى ايــــــــــــــــــــــــــه قالهم اطلعو فوق جبل فى الصحرا وخدو معاكم صنانير واصطادو سمك قالو ماشى وراحو ينفذوا كلاوم كبيرهم
عدو عليهم جماعه صعايده واحد بيسأل التانى بيقولو ايه الفلاحين الاغبيه دول بيعملو ايه رد عليه التانى وقالو جدف جدف ملناش دعوه

عدد الرسائل : 80 تاريخ التسجيل : 09/07/2007

ههههههههههههههههههههههههه

يا ترى اللى جابه من على الحدود صعيدى تايه برده

واحد صعيدى راح أمريكا لقى كل الشباب لابسين تشيرت مكتوب عليها سفن أب ، كوكاكولا ، بيبسي ، ....
لبس جلابية وكتب عليها ... عصير قصب

واحد صعيدي بعت لأمه كيلو شيكولاته ... إتصلت به وقالت له الصابون إللي أرسلته بيوسخ الهدوم

واحد صعيدىإتجوز .... راح شهر العسل لوحده

إتنين مساجين صعايده إتفقوا يكسروا باب السجن ويقتلوا الحارس ويهربوا ... فعلا كسروا باب السجن بس ملقوش الحارس ... قعدوا ينتظروه

واحد صعيدىإتصل بشركة الطيران بيسأل الموظفة : الطيارة من هنا لأمريكا تاخد أد اية ؟؟؟ ..... قالتلة : ثانية واحدة ... قالها : شكرا وقفل السكة

اربعه صعايده دخلوا القهوه طلبوا اربعه شطرنج

واحد صعيدى كسب 60 مليون دولار .. راح إشترى بيهم اللاعب رونالدو

صعيدي قالو له بكره عيد الحب
قال : يوووه .. إيه الورطة دى !!! وده صلاته إزاي

مسئول كبير أوووى راح يفتتح حمام سباحه كبير في سوهاج
مدير الحمام واقف بيشرحله مميزات الحمام
قاله ده يا فندم المنط إرتفاع 20 متر .. إطلع ياواد يامحمدين نط .. محمدين طلع ونط
و ده يا فندم المنط إرتفاع 40 متر .. إطلع يا واد ياحسنين نط .. حسنين طلع ونط
فقال المسئول .. هايل هايل .. برافووو
فقاله المدير ... ولسه كمان يا فندم لما نملأ الحمام ميه

عدد الرسائل : 61 تاريخ التسجيل : 11/07/2007

يا جماعه واحده واحده كل بوست نحط فيه نكته علشان انا مش بلحق اضحك على النكت كلها

واحد كان معاه كتكوت صغير كل ما يحطو فى العش مع باقى الطيور يروح يموتهم ويكلهم... راح الراجل قال انا ارميه فى الصحرا خليه يموت راح اخدو رماه ... بعدها باسبوع راح يشوفو عايش ولا مات راح لقاه نايم على الارض قالو مالك ليه عامل كده ..رد عليه الكتكوت وقالو حرام عليك كنت عامل كمين للصقر وانت طيرتو