فن التثبيت !!!

بسم الله الرحمن الرحيم


دى مواقف تخليك تكبر بعين الى بتحبهاا ..لانو البنات زى ما انتو عرفين تحب المظاهر والعواطف ولو حتى بتموت فيهاا لازم تعملهاا وما بتصدق حبك غير لما تعملهااا ..يعنى اعتبروهاا دروس فى الحب او ما يسمى الرومانسية..

.. الدرس الاول ..
* لما تكون شريكة حياتك مسافره كده او رايحه مشوار بعيد شويه تقولها وانت بتسبل بعينك كده
حبيبتى انا قلقان عليكى من المشوار ده وعلشان كده انا جيبتلك بودى جارد يحرسك وتبتسم ابتسامه حلوه كده وتطلعلها دبدوب صغير كده من ابو 15 او 20 جنيه ..

.. الدرس الثانى ..
*فى اى مناسبه عاطفيه كده عيد الحب مثلا اشترى كام ورده حمرا بس تكون حقيقيه يعنى 10 او 20 كده وهات واحده بلاستيك وحطها فى النص وكارت صغير من المكتبه اللى على اول شارعكو واكتب هافضل احبك لحد اخر ورده ما تدبل ..

.. الدرس الثالث..
*طبعا اكتر الطرق لاسعاد حبيبتك لو بتشتغل ابعتلها فى مقر شغلها باقة ورد كده جميله وكلمتين حلوين برضه فى كارت اكيد طبعا فى الشغل بقى زمايلها هيقولوا شوفتوا الحب يا ولاد
وتعليقات حلوه كده هتخليها تحبك اكتر..

.. الدرس الرابع ..
*لو حبيبتك عندها قط صغير كده بتحبه وكل ما تيجى تقولها كلمتين حب تقولك اسكت ده القط بتاعى عمل كذا النهارده يبقى انت فى عيد ميلادها وانت جايبلها هديه هات للقط الغلبان ده هديه كمان..

ملحوظة:كنت متعمد أحط الموضوع فى النكت.

----------------------------

فن التثبيت فن معروف وواضح بس اللى يحب يثبت بيكون هوه اللى عاوز كدا
سواء بنت او ولد بس اللى اقصده ان فى عقليات اختلفت فعلا ودى حقيقه
يعنى بتحتاج فعل او صدق اما عن ان النساء ناقصات فاكتفى برد هشام

معلش يا جماعه انا مكنتش اقصد اللى انتو فهمتوه وعلشان كده بعد ازنك طبعا يا اتش انا همسح الرد بتاعى على الموضوع ده
انا اسف اذا كنت قلت كلام مينفعش يتقال فى الموضوع ده